เอวเมว โข มหาราช ภควา สพฺพญฺญู สพฺพทสฺสาวี น อกาเล สาวกานํ
สิกฺขาปทํ ปญฺญาเปติ สมฺปตฺเต กาเล สาวกานํ สิกขฺขาปทํ ปญฺญาเปติ ยาวชีวํ
อนติกฺกมนียนฺติ ฯ กลฺโลสิ ภนฺเต นาคเสนาติ ฯ

สมฺปตฺกาลปญฺโห ทุติโย ฯ

ราชา อาห ภนฺเต นาคเสน พุทฺโธ ทฺวตฺตึสมหาปุริสลกฺขเณหิ
สมนฺนาคโต อสีติยา จ อนุพฺยญฺชเนหิ ปริรญฺชิโต สุวณฺณวณฺโณ กาญฺจนสนฺนิภตโจ
พฺยามปฺปโภติ ฯ เถโร อาห อาม มหาราช ภควา ทฺวติตึสมหาปุริสลกฺขเณหิ สมนฺนาคโต
อสีติยา จ อนุพฺญฺชเนหิ ปริรญฺชิโต สุวณฺณวณฺโณ กาญฺจนสนฺนิภตโจ
พฺยามปฺปโภติ ฯ กิสฺส ปน ภนฺเต มาตาปิตโร ทฺวตฺตึสมหาปุริสลกฺขเณหิ สมนฺนาคตา
อสีติยา จ อนุพฺยญฺชเนหิ ปริรญฺชิตา สุวณฺณวณฺณา กาญฺจนสนฺนิภตจา
พฺยามปฺปภาติ ฯ น หิ มหาราชาติ ฯฯ เอวํ สนฺเต โข ภนฺเต นาคเสน กึ นุ
อุปฺปชฺชติ พุทฺโธ ทฺวตฺตึสมหาปุริสลกฺขเณหิ สมนฺนาคโต อสีติยา จ อนุพฺยญฺชเนหิ
ปริรญฺชิโต สุวณฺณวณฺโณ กาญฺจนสนฺนิภตโจ พฺยามปฺปโภ อปิ จ มาตุสทิโส ปุตฺโต โหติ
มาตุ ปกฺโข วา ปิตุสทิโส วา ปุตฺโต โหติ ปิตุ ปกฺโขติ ฯ เถโร อาห อตฺถิ ปน
มหาราช กิญฺจิ ปทุมํ วา สตฺตปตฺตํ วา อุปฺปลํ วา กุมุทํ วา ปุณฺฑริกํ วาติ ฯ
อาม ภนฺเต อตฺถิ อุทเก วาริชา ชายนฺติ ปฐวิยํ ชายนฺติ อุทเก อภิสิญฺจิยนฺตีติ ฯ
กินฺนุ โข มหาราช ปฐวิยา สทิสํ วณฺเณน วา คนฺเธน วา รเสน วาติ ฯ น หิ
ภนฺเตติ ฯ อถ กทมสฺส สทิสํ วณฺเณน วา คนฺเธน วา รเสน วาติ ฯ น หิ
ภนฺเตติ ฯ เอวเมว โข มหาราช ภควา ทฺวตฺตึสหาปุริสลกฺขเณหิ สมนฺนาคโต อสีติยา
จ อนุพฺยญฺชเนหิ ปริรญฺชิโต สุวณฺโณวณฺโณ กาญฺจนสนฺนิภตโจ พฺยามปฺปโภติ เนวสฺส
มาตาปิตโร ทฺวตฺตึสมหาปุริสลกฺขเณหิ สมนฺนาคตา น อสีติยา น อนุพฺยญฺชเนหิ ปริรญฺชิตา
สุวณฺณวณฺณา กาญฺจนสนฺนิภตจา น พฺยามปฺปภาติ ฯ น กลฺโลสิ ภนฺเต นาคเสนาติ ฯ

ทฺวตฺตึสมหาปุริสลกฺขณปญฺโห ตติโย ฯ

ราชา อาห ภนฺเต นาคเสน พุทฺโธ พฺรหฺมจารีติ ฯ เถโร อาห อาม มหาราช
ภควา พฺรหฺมจารีติ ฯ เตนหิ ภนฺเต นาคเสน พุทฺโธ พฺรหฺมุโน สิสฺโสติ ฯ เถโร
อาห อตฺถิ เต มหาราช โกจิ หตฺถี ปาโมกฺโขติ ฯ อาม ภนฺเต อตฺถีติ ฯ กินฺนุ

โข มหาราช โส หตฺถี กทาจิ โกญฺจนาทํ นทตีติ ฯ อาม ภนฺเต นทตีติ ฯ เตนหิ
มหาราช หตฺถี โกญฺจสกุณสฺส สิสฺโสติ ฯ น หิ ภนฺเตติ ฯ เอวเมว โข มหาราช
ภควา พฺรหฺมจารี น จ พฺรหฺมุโน สิสฺโส กึ ปน มหาราช พฺรหฺมา สมฺพุทฺธิโก อุทาหุ
อสมฺพุทฺธิโกติ ฯ อสมฺพุทธิโก ภนฺเตติ ฯ เตนหิ มหาราช พฺรหฺมา ภควโต
สิสฺโสติ ฯ กลฺโลสิ ภนฺเต นาคเสนาติ ฯ

พฺรหฺมจาริปญฺโห จตุตฺโก ฯ

ราชา อาห ภนฺเตน นาคเสน อุปสมฺปทา สุนฺทรา อุทาหุ อนุปสมฺปทาติ ฯ
เถโร อาห มหาราช อุปสมฺปทา สุนฺทราติ ฯ อตฺถิ ปน ภนฺเต พุทธฺสฺส
อุปสมฺปทาติ ฯ เถโร อาห อุปสมฺปนฺโน โข มหาราช ภควาติ ฯ สุณนฺตุ เม โภนฺโต
ปญฺจสตา โยนกา อยํ นาคเสโน เอวมาห อุปสมฺปนฺโน โข มหาราช ภควาติ ยทิ
ภนฺเต นาคเสน สมโณ โคตโม อุปสมฺปนฺโน โก อาจริโย โก อุปชฺฌาโย กตีหิ
สงฺเฆหิ สมโณ โคตโม อุปสมฺปนฺโนติ ฯ นตฺถิ มหาราช ภควโต อาจริโย
อุปชฺฌาโย วา อุปสมฺปนฺโน โหติ ภควา โพธิยา มูเล สยมฺภู อนาจริโย สห
สพฺพญฺญุตญาเณนาติ ฯ ยทิ ภนฺเต นาคเสน สมณสฺส โคตมสฺส อาจริโย นตฺถิ
อุปชฺฌาโย นตฺถิ เตน ชานามิ สมโณ โคตโม อนุปสมฺปนฺโนวาติ กึการณา อนาจ
ริยอนุปชฺฌายกตาติ ฯ เอวํ วุตฺเต อายสฺมา นาคเสโน อรหา ปฏิสมฺภิทปฺปตฺโต มิลินฺทํ
ราชานํ เอตทโวจ ตฺวํ มหาราช พุภุกฺขิโต ภเวยฺยาสีติ ฯ อาม ภนฺเต นาคเสน
ภุญฺชามีติ ฯ ตฺวํ มหาราช ภุญฺชนฺโต โก อาจริโย โก อุปชฺฌาโยติ ฯ นตฺถิ
ภนฺเตติ ฯ ตฺวํ มหาราช น ภุญฺชสีติ ฯ น หิ ภนฺเต น ภุญฺชามิ กิญฺจาปิ ภนฺเต
มม ภุญฺชโต อายริโย นตฺถิ อนมตคฺเค สํสาเร อาเสวเนน ภุญฺชามีติ ฯ สุฏฺฐุ โข
มหาราช ชาเนยฺยาสิ เอวเมว โข มหาราช ภควา ทสปารมิโย อาเสวเนน โพธิรุกฺขมูเล
อุปสมฺปนฺโน สยมฺภู อนาจริโย สห สพฺพญฺญุตญาเณน ยถา มหาราช อนมตคฺเคค สํสาเร
อาเสวเนน ภุญฺชนุทฺเทสโก นตฺถิ ตถา ภควา โข มหาราช ทสปารมิโย อาเสวเนน
โพธิรุกฺขมูเล อุปสมฺปนฺโน อิเม อจฺฉริยา อพฺภูตธมฺมา โลเก ปาตุภวนฺติ ชจฺจนฺธา จกฺขุํ
ปฏิลภนฺติ ฯ พธิรา สทฺทํ สุณนฺติ ฯ ปีฐสปฺปิโน กาเยน กามํ ปกฺกมนฺติ ฯ มูคา
ชิวฺหา ปฏิลภนฺติ ฯ ขุชฺชา สรํ สรํ วิย สมฺปชฺชนฺติ ฯ ชิฆจฺฉา อนฺนํ ลภนฺติ ฯ
ปิปาสา ปานํ ลภนฺติ ฯ อาฆาตา เมตฺตจิตฺตํ ลภนฺติ ฯ เปตวิสเย วินสฺสนฺติ ฯ